«17 көпір»: Джейми Ньюманн Чедвик Боузманмен бірге атыс-шабыс фильмінде ойнайды
Джейми Ньюманн («Екілік» және «Күнәлі қыз» хикаялары) өндірісімен STX студиясы айналысып жатқан «17 көпір» атыс-шабыс фильмінде Чедвик Боузманмен («Кек алушылар: Мәңгілік соғыс», «Қара Ілбісін») бірге ойнайды. Фильм режиссері Брайан Кирк «Тақтардың ойыны» және «Сұмдық ертегілер» танымал хикаяларының түсіріліміне қатысқан. Сондай-ақ, STX-тің жаңа жобасына Тейлор Китч («Батылдар ісі», «Жалданушы»), Дж.К. Симмонс («Біздің әкеміз кім, балақай?», «Әділдік одағы») және Стэфан Джеймс («Күш-жігер», «Сельма») сынды жұлдыздар атсалысады.
«17 көпірде» Чедвик Боузман бұрын ақша талап етіп, кейін полицейді өлтірген қылмыскерді бүкіл қала бойынша іздеп жүрген Нью-Йорк полициясының ұятқа қалған детективін сомдайды. Таспадағы оқиға бір түннің ішінде болады, бірақ бастапқыда іздеу шаралары тығырыққа тіреледі. Барлығы араласып, Боузман кейіпкерін кімнің аңдып жүргені, ал кімнің одан қашып жүргені түсініксіз болып кетеді. Соңғы шаралар пайдаланыла бастағанда, қылмыскер Манхэттенге қашып кетеді. Билік өкілдері біреудің қашып шығуына немесе кіруіне жол бермеу үшін аралды қаланың қалған бөлігімен байланыстыратын барлық 17 көпірді жауып тастайды.
«17 көпір» атыс-шабыс фильмі 2019 жылдың 11 шілдесінен бастап көрсетіледі. Афишамызды қарап жүріңіздер.
.jpg)
пікірлер жоқ, бірінші болыңыз
Пікір қалдыру үшін