Белгілі кинотанушылар мен киносыншылар Алматыда өтетін III Форумда жиналады
3-8 қыркүйек аралығында Алматыда IX Baiqonyr Film Festival аясында III Халықаралық кинотанушылар мен киносыншылар форумы өтеді.
Форум аясында «Жастар киносы дегеніміз не?» тақырыбында өтетін панельдік сессия негізгі шаралардың бірі болмақ. Түрлі елден келген танымал сарапшылар жас режиссерлердің фильмдері арқылы кинематографияның қазіргі жай-күйін талқылайды.
Спикерлер:
Кинотанушы, өнертану докторы Светлана Смагина (Ресей);
Кинотанушы, NETPAC мүшесі Шарофат Арабова (Тәжікстан);
Кинотанушы, NETPAC және FIPRESCI мүшесі Гульбара Толомушова (Қырғызстан);
Кинотанушы, өнертану докторы Георгий Размадзе (Грузия);
Кинотанушы, өнертану кандидаты Мария Костюкович (Беларусь);
Кинотанушы, профессор Инна Смаилова (Қазақстан);
Кинотанушы Ани Григорян (Армения);
Киносыншылар Айгюнь Асланова мен Әлия Дадашова (Әзербайжан)
Сонымен қатар, форум аясында авторлық эксклюзив дәрістер өтеді. Лекторлар қатарында FIPRESCI мүшесі Евгений Майзель, өнертану кандидаты Султан Усувалиев, «Искусство кино» журналының бас редакторы, киносыншы Никита Карцев, кинотанушы, өнертану докторы, Қазақстан киносыншылар қауымдастығының президенті Гүлнәр Әбікеева және кинотанушы, PhD доктор Молдияр Ергебеков.
Форумның шешуші сәті - кинотану саласындағы үздік жұмыстар байқауының қорытындысын шығару. Жеңімпаздар «Үздік мақала», «Үздік рецензия», «Үздік сұхбат» және «Үздік киноконтент» номинациялары бойынша анықталады.
Биыл үш жылдық форум тарихында алғаш рет «Кинотануды дамытуға қосқан үлесі үшін» арнайы сыйлығы табысталады, форум төрағасы Ержан Жұмабековтың айтуынша, бұл шара жаңа дәстүрге айналмақ.
Форум серіктесіміз AlmaU университетінің қолдауымен өтеді. Мекенжайы: Розыбакиев, 227.
AlmaU университетінің «Медиа және кино» мектебі үш жыл қатарынан Baiqonyr кинофестивалінің серіктесі болып келеді.
3-8 қыркүйек аралығында Алматыда IX BAIQONYR халықаралық кинофестивалі өтетінін еске саламыз.
Фестиваль ТМД-ға қатысушы мемлекеттердің Мемлекетаралық гуманитарлық ынтымақтастығы қорының қолдауымен өтеді.
Фестиваль жаңалықтарын baiqonyr.kz сайтында және Instagram желісіндегі baiqonyrfimfestival парақшасынан бақылап отырыңыз.
пікірлер жоқ, бірінші болыңыз
Пікір қалдыру үшін