Халықаралық байқаудың қазылар алқасы
Бес сарапшыдан тұратын IX Baiqonyr кинофестивалінде халықаралық байқауда әділ бағасын беретін қазылар алқасын ұсынамыз.
Baiqonyr кинофестивалінде халықаралық байқауды Қазақстандық қазылар алқасы бағалайды, ал Ұлттық байқаудың жеңімпаздарын халықаралық қазылар алқасы анықтайды.
Қазылар алқасының төрағасы:
Әділхан Ержанов — танымал режиссер және сценарист, «Қара, қара адам» фильмі үшін Asia Pacific Screen Awards сыйлығының лауреаты және көптеген басқа да халықаралық марапаттардың иегері. Биыл оның жақында шыққан «Дала қасқыры» фильмі Брюссель кинофестивалінде «Golden Raven Award» бас жүлдесін жеңіп алды.
Қазылар алқасының мүшелері:
Анар Жүнісова — «Черный двор», «Игрок», «Отау», «Приговор», «Инстаграмщица», «Запрещенные танцы» және «Финансист. Игра на вылет» сияқты көрермендер тарапынан жоғары бағаланған көптеген фильмнің продюсері.
Еркінбек Птыралиев — кинооператор, жақында Америкалық киноакадемияның мүшесі атанды, осылайша ол «Оскар-2025» сыйлығының дауыс беруіне қатыса алады. 2014 жылы ол Asia Pacific Screen Awards сыйлығына «Үздік оператор» номинациясы бойынша ұсынылды.
Ерден Телемісов — талантты актер, режиссер-сценарист және каскадер. Ол Netflix-тің «Марко Поло», Apple TV-дің «Slow Horesses», BBC-дің «Макмафия» сияқты танымал голливудтық сериалдарында және «Warrior» фильмінде ойнаған.
Еңлік Егеубаева — кинотанушы, Қазақстанның киносыншылар қауымдастығының мүшесі және Oner.kz порталында мақалалар авторы.
IX Baiqonyr кинофестивалі 3-8 қыркүйек аралығында Алматыдағы MEGA Alma-Ata сауда орталығындағы Chaplin Cinemas кинотеатрында өтеді. Халықаралық байқауға 7 елден 13 фильм іріктелді. Қатысушылар туралы толық ақпаратпен фестиваль сайтынан таныса аласыз.
Фестиваль дәстүрлі түрде ТМД-ға қатысушы мемлекеттердің Мемлекетаралық гуманитарлық ынтымақтастығы қорының қолдауымен өтеді.
Фестиваль жаңалықтарын baiqonyr.kz сайтында және Instagram желісіндегі baiqonyrfimfestival парақшасынан бақылап отырыңыз
пікірлер жоқ, бірінші болыңыз
Пікір қалдыру үшін