Бүркіт «Тілек тіле» фильмінің түсірілімін бастады
Режиссер ретінде алғашқы қадамдарын жасап жатқан отандық әнші Бүркіт (Айбек Жансейітов) жаңа киносының түсіріліміне кірісіп кетті. Әртіс «Тілек тіле» уақытша атауы бар экшн-комедия түсіріп жатыр.
Фильм сценарийін «Келін де адам баласы», «Қазаққа ғашық болмаудың 5 себебі» және «Қазаша кәсіп Америкада» комедияларының авторы Әуез Әуезов жазды. Бүркіттің түсірілім тобына екінші режиссер Артем Ганцев, қоюшы-операторлар Олжас Ибраев пен Владимир Пак енді. Жобаның атқарушы продюсері - Әсел Асқар («Ең сұлу»).
Басты рөл әнші Индира Еділбаеваға сеніп тапсырылды. Сондай-ақ, фильмге Бауыржан Сатов пен Асылбек Мұсабеков түсіп жатыр.
Комедия түсірілімі Алматы және Алматы облысында өтуде. Таспа өндірісімен Otan film компаниясы айналысуда.
Еске сала кетсек, бұл - Айбек Жансейітовтың екінші киножобасы. Оның режиссерлік дебюті 2017 жылы желтоқсанда «Апан» фильмімен басталған.
Превью: Бүркіттің Instagram-дағы жеке парақшасынан
.jpg)
пікірлер жоқ, бірінші болыңыз
Пікір қалдыру үшін