Данияр Ақшабаев «Таулар түнегінде» дебютті фильмі туралы айтып берді
Алматы облысында «Таулар түнегінде» қорқынышты фильмінің түсірілімі жалғасуда. Отандық көрерменнің жүйкесіне тиюді алматылық Данияр Ақшабаев жөн санады, ол картинаның режиссері әрі бас продюсері атанды. Бұл кинодағы алғашқы тәжірибесі бола тұра, режиссер сенімді түрде қадам жасады.
«Мен американдық киноның, әсіресе қорқынышты фильмдердің жанкүйерімін. Бала кезден бері американдық хоррор жанрында түсірілген картиналарды ерекше жақсы көрдім. Соңғы үш жылда: «Неге барлығы қорқынышты фильм емес, комедия түсіреді?» деген сауал туындады. Мен шынымен қорқынышты әрі сапалы дүние түсіргім келді. Сонымен, мақсатыма қарай қадам бастым»,-дейді Данияр Ақшабаев.
«Таулар түнегінде» картинасы – тау баурайында бір қарғыс атқан жердің барын телефондағы хабарлама арқылы білетін студент жігіттің хикаясы. Бозбала достарымен бірге сол орынға баруды ұйғарады. Бастапқыда ешқандай қауіп төнбейді, барлығы алаңсыз демалып жүреді. Алайда, біраз уақыт өткен соң ол достарымен бірге тұзаққа түсіп қалғанын түсінеді. Тауда бір түсініксіз әрі қорқынышты қанішер жаратылыс өмір сүреді екен.
«Фильм идеясы 2015 жылы туындаған. Идея мен сценарий авторы өзім. Сценарий бір жарым жыл жазылды, себебі әрбір дүниені асықпай ойладым. Картина ерекшелігі күтпеген жәйттар мен ерекше соңында жатыр. Білуімше, отандық кинода мұндай жанрдағы фильмдерді түсіру сәтсіз шыққан. Менің туындым керісінше, табысты болатын шығар деп үміттенемін»,-деп қосты режиссер.
Хоррор түсірілімі Іле Алатау Мемлекеттік Ұлттық табиғи саябағында өтіп жатыр. Фильмдегі кейіпкерлерді актерлар Данияр Бейсекеев, Албан Тілеуберді, Рысқұл Қонақбаев, Шәріпов Арыстан және Жәлилов Пархат сомдайды.
Жобаның өндірісімен Spirit group компаниясы айналысуда. Фильм түсірілімі қарашаның ортасында аяқталмақ.
пікірлер жоқ, бірінші болыңыз
Пікір қалдыру үшін