Данияр Бейісов «Түнекте» хоррорындағы дебютті рөлі жайында
19 сәуір күні экранға «Түнекте» отандық қорқынышты фильмі шығады. Отандық хоррордағы басты кейіпкерді өзін үлкен кинода алғаш сынап көрген Данияр Бейісов сомдады.
«Түнекте» - Dream Road Pictures шығармашылық тобы үшін алғашқы киножоба. Сюжетте тастанды жерлерге жиі баратын сталкер суреттеледі. Бір күні қарғыс атқан жер жайлы хабарлама алған кезде, жігіт достарын ертіп алып, сол жаққа барады. Кейін, қарапайым саяхат зұлымдықпен күреске айналады.
«Кейіпкер екеуіміздің көп ұқсастықтарымыз бар сияқты. Шиеленіс пен шытырман оқиғаны аңсау екеуімізге де тән, сондықтан мен кейіпкерімді жақсы түсініп, ойдағыдай алып шықтым деп ойлаймын. Мен үшін «Түнекте» киноға басқан салмақты қадам. Дайындықтан бастап түсірілімге дейінгі кезең көңілді өтті, бұл мен үшін өте маңызды рөл атқарды, сондықтан дебютанттар тап болатын қиындықтарды айтарлықтай сезіне қоймадым», - деді Данияр.
Қорқынышты фильм түсірілімі Іле-Алатау мемлекеттік саябағының аумағында тау бөктерінде өтті. Оған жас актерлар Сәбина Ералина, Пархат Жалилов, Максим Богомолов, Назерке Әмірова, Алмас Жарасқан, Албан Кәрімұлы, Дияр Мірсадықов қатысты.
Таспаның режиссері, сценарий авторы Данияр Ақшабаев болды. Жоба продюсерлері - Асқар Рамазанов және Олжас Мұхаметжанов.
«Түнекте» фильмінің трейлерін мына жерден көре аласыздар.
пікірлер жоқ, бірінші болыңыз
Пікір қалдыру үшін