Диас Әзімжан «Шатырдағы бұлт» фэнтези-фильмінде басты рөлді сомдады
Жас режиссер Диас Әзімжан «Шатырдағы бұлт» фильміне түсті. Ол картинада режиссер емес, актер ретінде көрінді. Басты рөлді сомдаған актер «Бродвей» кинопорталына мән-жайды баяндап берді.
Диас Әзімжанның айтуынша, оның кейіпкерін басқа актер сомдау керек болған. Бастапқыда келісім туралы сөз қозғалғанда, режиссер өзінің жеке жобасын бастап қойған еді. Сондықтан бас тартқан болатын. Бірақ, «Шатырдағы бұлт» фильмінің түсірілімі кейінге шегеріліп, Диас картинаға ақыры түседі.
«Шатырдағы бұлт» фильмінің түсірілімінен сурет
«Кейіпкерімнің есімі Тимур. Ол - жұмыстағы сәтсіздіктен бастап, жеке өміріне дейін дұрыс қалыптаспаған түрлі қиындықтары бар қарапайым адам. Бүкіл фильм бойы кейіпкер өз-өзін, өмірдегі құндылығын іздейді. Аталмыш кино адалдық пен зұлымдық туралы»,-деп бөлісті Диас Әзімжан.
Актер 5 күнге созылған биік ғимараттың шатырындағы және жасыл айналадағы түсірілімнің қиын болғандығын атап өтті.
Авторлардың айтуынша, «Шатырдағы бұлт» таспасы фэнтези жанрында түсірілген. Сондықтан, көрермендер кадрдан ұшатын заттар мен параллель өлшемдер сынды түрлі эффектілерді көре алады.
пікірлер жоқ, бірінші болыңыз
Пікір қалдыру үшін