XIII «Еуразия» ХКФ-нің жеңімпаздарын Джон Малкович марапаттайды
Қазақстан астанасында XIII Халықаралық «Еуразия» кинофестивалі өтіп жатыр. Айтулы шараға шетелдік қонақтар да қатысып үлгерді. Соның ішінде «Оскар» жүлдесінің екі мәрте номинанты Джон Малкович шараның жабылуына арнайы келді.
Малковичтің алдында симфониялық оркестр мен халық ансамблінің музыканттары өз туындыларын орындады. «Еуразия» ХКФ президенті Айман Мұсаходжаева скрипкада ойнады. Құрметті қонақ қазақстандық музыканттардың кәсібилігін жоғары бағалап, Мұсаходжаеваның ойынын ерекше атап өтті. Сонымен қатар, актер Ана мен бала Ұлттық ғылыми орталығындағы онкологиялық аурумен ауыратын балаларға барып қайтуды жоспарлап отыр. Джон Малкович фестивальдің салтанатты жабылу шарасына қатысып, жеңімпаздарға жүлделерді табыстайды. Актер «Экспо» көрмесін де көріп қайтты.
Бұл Малковичтің Қазақстанға алғаш келуі емес екендігін айта кетейік. Джон Қазақ-Америка кинофестивалінде АҚШ кинематографын жеке таныстыру мақсатында Қазақстанға 2010 жылы келген.
«Еуразияның» жабылуында Люк Бессонның қазақ тіліне дубляждалған «Валериан – мыңдаған ғаламшарлар қаласы» таспасы көрсетіледі.
Суреттер: Тұрар Қазанғапов
пікірлер жоқ, бірінші болыңыз
Пікір қалдыру үшін