Эмир Байғазин «Өзенді» жапон көрермендеріне таныстырды

30 Қазан, 2018
BrodKaz
733
0

Жапонияның астанасында «Роппонги Хиллз» көпфункциялы зәулім ғимаратында Эмир Байғазиннің «Өзен» фильмінің азиялық тұсаукесері өтті. Картина Tokyo International Film Festival бас жүлдесіне үміткер.

«Өзен» өркениеттен алыс жерде тұратын ағайынды бесеудің тағдыры жайлы баяндайды. Бір күні оларға қаладан қонақ келіп, өмірелрін өзгертеді.

Фестиваль ұйымдастырушылары Байғазиннің жаңа жұмысының жоғары сезімталдықпен ерекшеленетін арт-киноның жаңа деңгейін ұсынатынын айта кетті.

Биылғы жылы Токио кинофестиваліне әлемнің 109 елінен 1829 жұмыс бақ сынап көрген. Бірақ, басты байқауда тек 16 картина таныстырылды, оның біреуі «Өзен» фильмі болып табылады.

Фильм көрсетілімінен кейін режиссер кинофестиваль дирекциясына жылы қабылдағаны үшін алғысын білдірді және әрдайым Жапонияға келуді армандағанын айта кетті.

Токиодағы ХКФ 3 қараша күні аяқталады.

Превью: kazakhfilmstudios.kz