«Фантастикалық мақұлықтар: Грин-де-Вальд қылмысы»: ашық әңгімелер
Сан-Диегодағы Comic-Con фестивалінде Warner Bros. студиясы осы таспаның сценарийін жазған Джоан Кейт Роулинг туындыларын экрандау арқылы танылған режиссер Дэвид Йейтстің «Фантастикалық мақұлықтар: Грин-де-Вальд қылмысы» шытырман оқиғалы фильмінің жаңа трейлерін ұсынды.
Роликтен Гарри Поттердің жанкүйерлері профессор Дамблдор (Джуд Лоу, «Артур патшаның қылышы», «Жас әке» хикаясы) мен Геллерт Грин-де-Вальдтың (Джонни Депп, «Шығыс экспрессіндегі өлім», «Кариб теңізінің қарақшылары») арасындағы әйгілі қақтығыстың неден басталғанын жақсы түсінеді.
Эдди Редмэйн («Даниялық бойжеткен», «Юпитердің өрлеуі») қайтадан Ньют Саламандер рөлін ойнады, ол жауыз сиқыршы Грин-де-Вальдты аңди бастағанда, көмекке Дамблдор келеді. «Мен Гриндевальдқа қарсы шыға алмаймын. Ол сен болуың керек. Бірақ, сенің орныңда мен болсам, бас тартар едім. Тым кеш», - дейді Дамблдор Ньютқа.
Ролик франшизаның бірінші бөлімі – «Фантастикалық мақұлықтар және олардың мекендейтін жерлері» фильмінен бірнеше кейіпкерлердің оралатынын көрсетеді, сондай-ақ көптеген жаңа сиқырлы жаратылыстар пайда болады. Одан бөлек, жұмбақ-алхимик - Николя Фламель (Бронтис Ходоровски, «Шар найзағай» операциясы», «Шынайылық биі») төбе көрсетеді, ол өзінің ажалсыз екенін және ғажайып жәдігерлерді жасай алатындығын дәлелдеген.
«Фантастикалық мақұлықтар: Грин-де-Вальд қылмысы» фэнтезиі 2018 жылдың 15 қарашасынан бастап айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін