Фархат Әбдірайымов «Махаббатпен» фильмінің бюджетін хабарлады
Отандық кинотеатрлардан «Махаббатпен» фильмінің көрсетілімі өтіп жатыр. Картина мектеп түлегінің махаббаты жайында баяндайды. Фильм актер Фархат Әбдірайымовтың бас продюсер және актер ретіндегі алғашқы жобасы болды.
«Махаббатпен» фильмін түсіру үшін Әбдірайымов пен режиссер Александр Гольцев бірнеше жыл дайындалған. Ұзақ дайындықтың себебінің бірі - жобаға қаржының жетіспеуі. Бірақ, достары мен әріптестері авторларды қиын кезеңдерде демеп жібереді де, «Махаббатпен» фильмі экранға шығады.
«Фильм бюджеті 100 мың доллардан аспайды. Түсірілімге жарнама кампаниясымен бірге 80 мың доллардай жұмсалды. Дегенмен, көптеген заттарды бізге достарымыз бен серіктестеріміз тегін әкелді», - деп бөлісті Фархат Әбдірайымов.
«Махаббатпен» фильмінен көрініс
Бас продюсер қаржылай қиындықтардан бөлек, басты рөлді сомдайтын актерларды ұзақ іздеген. Сценарий бойынша мектеп түлегі Руслан Светаның жүрегін жаулап алуға тырысады. Жігіт ақшаның көмегіне сеніп, бұзақылардан қарызға қаржы алады.
«Фильмге бұрын киноға түсіп көрмегендерді алдық. Соңғы кездері Желіде «картиналарға бір ғана бейнелер түсіп жатыр» деген сынды пікірлер көптеп кездесіп жатады. Сондықтан, режиссермен бірге жаңа бейнелерді көрсетуді мақсат тұттық, актерларды кастинг арқылы таптық. Таңдауымыз Әлішер Түлтаев пен Мария Королёваға түсті: екеуі кадрда әдемі көрінді әрі бір-бірімен жақсы байланыс орната алды», - дейді Әбдірайымов.
«Махаббатпен» қылмыстық драмасының кестесін афишадан көруге болады.
пікірлер жоқ, бірінші болыңыз
Пікір қалдыру үшін