«Сүйікті»: Эмма Стоун мен Рэйчел Вайстің қатысуындағы патшалық ессіздік
Танымал грек режиссері Йоргос Лантимостың («Киелі бұғының өлімі», «Лобстер») 19 ғасырдың басындағы «Сүйікті» тарихи драмасының тизерінде нағыз патшалық ессіздік көрсетіледі. Бұл таспаны биылғы авторлық кино саласындағы ең көп күтілген кино деп санауға болады, өйткені мұндай жағдайда нәтиже күткеннен де асып түсіп жатады. София Копполаның «Мария-Антуанетта» және Стэнли Кубриктің «Барри Линдон» сынды шедеврлері де осындай болған.
«Сүйікті» Анна патшайымды (Оливия Колман, «Шығыс экспрессіндегі өлім», «Тәж» хикаясы) және жақын досы әрі кеңесшісі – Сара ханымды (Рэйчел Вайс, «Ғасыр жарысы», «Бой ұсынбау») таныстырады. Англия Франциямен соғыс жағдайында тұр, бірақ Анна патшайым ары-бері жүгіріп, ананас жеумен ғана бас қатырып жүреді. Елді басқару – қиын іс, сондықтан жаңа сарай адамы Эбигейл Мэшэм (Эмма Стоун, «Жыныстылар шайқасы», «Ла-Ла Ленд») келген кезде жағдай ушыға түседі, оның өзіндік жоспарлары бар және патшайымның сүйіктісі болғысы келеді.
«Сүйікті» тарихи драмасы 2019 жылдың 31 қаңтарынан бастап айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін