Әміре Қашаубаев жайлы фильм сәуірде шығады

• 4 Наурыз, 2018
• Мадина
• 4 100
• 0

5 сәуір күні қазақ теноры Әміре Қашаубаевқа арналған «Әміре» фильмі отандық айналымға шығады. Картинаны «Қазақфильм» киностудиясы DARplay компаниясымен бірге түсірген. Авторлар тұсаукесердің алдында ресми трейлерді ұсынды.

«Әміре» - өмірбаяндық кинотаспа, басты кейіпкер - әнші әрі композитор Әміре Қашаубаев. Ол КСРО делегациясының құрамына кіріп, Парижде музыкалық байқауда өнер көрсеткен. Әміре еуропалық тыңдармандарға қазақ музыка өнерін алғаш ұсынған адам болды.

Таспада қазақ тенорын Санжар Мәди сомдады. Фильмдегі басқа кейіпкерлерді Еркебұлан Дайыров, британдық актер Бен Алдридж және американдық актриса Эбби Корниш ойнайды.

Жобаның режиссері – Джефф Веспа. Қоюшы «Бродвейге» берген сұхбатында «Әміреде» қазақ композиторларының әндері шырқалатынын жеткізді.

Картина түсірілімі Алматы облысында және Латвияның Рига қаласында өткен.

• 4 Наурыз, 2018
• Мадина
• 4 100
• 0