Болат Қалымбетовтың «Талан» фильмі айналымға шықты
Отандық айналымға режиссер әрі сценарист Болат Қалымбетовтың «Талан» фильмі шықты. Кинотаспа негізіне Жүсіпбек Қорғасбековтің «Қасқыр-адам» повесі арқау болды.
Фильмдегі оқиға саяси қуғын-сүргін мен ашаршылық кезеңінде 30-40 жылдары өрбиді. Екі дос жетім қалады. Екеуі екі жаққа кетсе де, жылдар өте келе, тағдыр оларды қайта қосады. Әрқайсысына әскери диктатура кезінде аман қалу үшін қиын таңдау жасауына тура келеді.
Киносценарийімен Ғазиз Насыров және режиссер Болат Қалымбетов айналысты.
«Фильмде қуғын-сүргін тақырыбы фон ретінде пайдаланылады. Негізгі идея – сол кезеңнің адамдарын, тағдырларын көрсету. Мен Жүсіпбек Қорғасбековтің повесін алғаш оқығанымда, қатты әсерлендім. Тәжірибем аз, жас болғанымда бұл хикаяны экранға шығару мүмкін емес деп ойладым. Сол үшін экрандау идеясын ұзақ жылдарға шегеріп қойдым. Дайын екенімді түсінгенде, Жүсіпбекке жүгіндім. Нәтижесінде, фильмді жаңа кейіпкерлер мен сюжет желісін қоса отырып, кітап негізінде түсіруді жөн көрдік», - деді Болат Қалымбетов фильмнің Алматыдағы тұсаукесерінде.
.jpg)
Фильмге Шынар Жанысбекова, Ерік Жолжақсынов, Асан Мәжит, Ержан Нұрымбет, Ұлан Нүсіпәли және Оңдасын Бесікбасов түсті.
Картина түсірілімі 2016 жылы Алматыда және Алматы облысының Райымбек ауданында өткен. Фильм «Қазақфильм» киностудиясымен түсірілді.
Айта кетсек, «Талан» 36-шы халықаралық «Фаджр» кинофестивалінің «Шығыс панорамасы» бағдарламасына қатысқан болатын.
Көрсетілімнің ыңғайлы кестесін кинотеатрлар афишасынан көруге болады.
.jpg)
пікірлер жоқ, бірінші болыңыз
Пікір қалдыру үшін