«Nomad Stunts» тобының атты шоуынан фоторепортаж
«Nomad Stunts» каскадерлар тобы Қызыл Жарты ай ұйымын қолдау мақсатында ұйымдастырылған «Action for Red» атты аттар шоуын көрсетті. Әсерлі көрініс алматылық ипподромда болды.
Көрермендерге аттың үстінде отырып садақ ату, ат үстінде отырып қарумен шауып өту және ат үстіндегі шайқас секілді түрлі акробаттық трюктар көрсетілді. Қонақтарды әсіресе 15 түрлі трюктерден құралған шабандоздық пен көптеген аттар шайқасы болған үлкен сахна таң қалдырды.
Nomad Stunts - Жайдарбек Күнгіжінов негізін қалаған танымал қазақстандық каскадерлар тобы. Топ көптеген халықаралық фильмдердің түсіріліміне атсалысып, Киану Ривз, Джет Ли, Джейсон Стетхэм, Сильвестр Сталлоне, Арнольд Шварценеггер, Брюс Уиллис және т.б. әлемдік кино жұлдыздарымен бірге жұмыс істеген.
Ұйымдастырушылардың хабарлауынша, билет сатылымынан түскен қаражат ауырып жүрген қарт азаматтарға және жағдайы төмен отбасыларға беріледі.
Суреттердің авторы: Татьяна Дружинина
пікірлер жоқ, бірінші болыңыз
Пікір қалдыру үшін