«Танысып қойыңыз, Ибалы» комедиясының тұсаукесерінен фоторепортаж
Жақында Kinopark 11 IMAX Esentai-да «Танысып қойыңыз, Ибалы» («Знакомьтесь, Ибалы») қазақстандық фильмнің тұсаукесері өтті. Картина режиссер Дарханбек Кальменов пен продюсер Алимша Алтеевтің жетекшілігімен түсірілді. Туындыға атсалысқан ұжымды құттықтауға әріптестері, туыстары мен жақын достары келді.
«Танысып қойыңыз, Ибалы» («Знакомьтесь, Ибалы») комедиясы 3 ай бойы Астана мен Шымкент қалаларында IB production студиясының негізінде түсірілді. Сюжетте ауылдан астанаға білім алу мақсатымен Ибалы есімді бойжеткен келеді. Кейіпкер арманына жетеді, алайда біраз қиындықтар мен күлкілі жағдайларға тап болады.
Фильмде басты рөлдерде жас актерлар Арна Мақұлбек пен Нұрқанат Молдахан ойнап шықты.
Режиссердің айтуынша, комедия басқа атауға ие болуы мүмкін еді. Жобаның бірнеше нұсқасы болды, соның бірі «Ләп story Ибалы» болатын. Бұл киноны түсіру идеясы 2015 жылы қыста туындаған, бірақ түсірілім жұмыстары тек бір жылдан соң ғана бастау алды.
Тұсаукесер кешінің қалай өткенін және немен есте қалғанын арнайы фоторепортаждан тамашалаңыздар.
Суреттер үшін кинопорталдың серіктесі – Paparazzi club-қа арнайы алғыс білдіреміз.
1 пікір
Пікір қалдыру үшін
Yermukhamed
8 апреля 2017, 19:21Молодцы! Саят как обычно на высоте! Надеюсь моим друзьям из РФ понравится! Ведь они так уважают фильмы с его участием