«Танысып қойыңыз, Ибалы» фильмінен фоторепортаж. 2 бөлім
«Танысып қойыңыз, Ибалы» отандық комедиясы («Знакомьтесь, Ибалы») көрермен назарына ұсынылды. Фильмдегі басты рөлдің бірін Арна Мақұлбек сомдап шықты. Негізінде, бойжеткен үшін картинадағы рөлі үлкен киноға жасаған дебютті қадамы болыпты. Актриса бұрындары телевизиялық бағдарламалар мен музыкалық бейнебаяндарға түскен екен.
Арнаның кинодағы серіктесі Темірбек Жүргенов атындағы ҚҰӨА түлегі Нұрқанат Молдахан болды. Фильмнің түсіру тобы бозбаланы Жұмат Шанин атындағы драмалық театрында байқап қалып, кастинге шақырған. Нәтижесінде, рөлдің біріне бекіткен.
Режиссер Дарханбек Кальменов актерларды іздеуге жарты жылдай уақыт кеткенін айтып өтті. Ақырында, «Танысып қойыңыз, Ибалы» («Знакомьтесь, Ибалы») түсіріліміне Саят Исембаев, Спандияр Мамреев, Закир Асадов және т.б. актерлар қатысқан.
«Танысып қойыңыз, Ибалы» («Знакомьтесь, Ибалы») фильмінің түсірілімі 2016 жылдың қаңтар айынан басталып, 3 айға созылған. Картина сценарийіне режиссер әрі продюсер Алимша Алтеев атсалысты.
Комедия тұсаукесерінің қалай өткендігін «Бродвей» кинопорталының арнайы фоторепортажының екінші бөлімінен көріңіздер.
Фото: Гульхан Бильген
Суреттер үшін «Тұран» университетінің «Кино және телевидения академиясы» факультетіне алғысымызды білдіреміз.
пікірлер жоқ, бірінші болыңыз
Пікір қалдыру үшін