Гүлнар Сильбаева Нұртас Адамбайдың «5 күндік күйеу жігіт» фильміне түсті
КТК-ның бұрынғы ойыншысы, тележүргізуші әрі актриса Гүлнар Сильбаева толықметражды фильмдегі ұзақ күткен рөліне ие болды. Мұндай мүмкіндікті оған Нұртас Адамбай сыйлап, өзінің «5 күндік күйеу жігіт» картинасына шақырды.
Фильмде Гүлнар Сильбаева шытырман оқиғаға тап болатын бойжеткенді сомдайды. Ол әріптесін (Нұртас Адамбай) тәуекелшіл бір іске көмектесіп жіберуін өтінеді. Картина бір отбасында болған қызықты әрі әсерлі хикаяны баяндайды.
«Кейіпкерім маған ұқсайды. Ол – ақылды әрі салмақты бойжеткен, бірақ өзін ешкімнің ренжітуіне жол бермейді. Сюжет бойынша қыз жігітіне қатысты шиеленіскен оқиғаға тап болады. Ал оның салдарын өзі шешуіне тура келеді. Осы жері маған ұқсаған (күлді). Рөл қызықты. Бұл кейіпкерді сомдағысы келген үміткерлер көп болды, бірақ Нұртас маған сенім артты. Сол үшін оған алғысымды білдіремін! Оның үстіне, менің КТК ойындарындағы тәжірибем түсірілім барысында көп көмектесіп жатыр»,-деді актриса.
Гүлнараның айтуынша, бастапқыда кәсіби мамандармен бірге бір түсірілім алаңында жұмыс істеу оған қорқынышты әрі сенімсіз болатын. Комедияға Санжар Мәди, Данияр Алшынов, Жанна Орынбасарова, Қайрат Әділгерей, Әшім Ахмет, Жан Ізбасар сынды белгілі актерлар түсті.
Суреттер Гүлнар Сильбаеваның жеке Instagram парақшасынан алынды
«Барлық актрисаларға Жан Байжанбаев пен Жанна Қуанышева секілді нағыз өзі ісінің мамандары әрі белгілі актерлармен бір фильмде басты рөлді сомдау бақыты бұйыра бермейтіні анық. Алғашында Жанна Қуанышевамен бірге бір фильмге түсетініме қатты алаңдадым, қорықтым. Бірақ, оным бекер екен. Біз тез тіл табысып кеттік. Сонымен қатар, оператор Азамат Дулатовпен бірге жұмыс істеген ұнады. Жалпы, Нұртаспен және оның тобымен бірге жұмыс істеудің өзі бір ғанибет. Көрермен де біздің киномызды көріп отырып, жақсы әсер алады деп ойлаймын»,-деп қосты Гүлнар Сильбаева.
Айта кету керек, комедиялық таспаны рекордты 14 күннің ішінде түсіріп бітірген. Түсірілім жұмыстары Алматыда 8-22 маусым аралығында өтті.
«5 күндік күйеу жігіт» комедиясы кинотеатрлардан 2017 жылдың күзінде шығатын болады.
пікірлер жоқ, бірінші болыңыз
Пікір қалдыру үшін