Изабель Юппер Римдегі кинофестивальде еңбегі үшін жүлдеге ие болмақ
Римдегі кинофестивальдің ұйымдастырушы комитеті әйгілі француз актрисасы Изабель Юппердің («Хэппи-энд», «Бойжеткен») қазандағы еңбегі үшін жүлдеге ие болатынын мәлімдеді. Дәл осындай жүлдемен әйгілі режиссер Мартин Скорсезені («Үнсіздік», «Уолл-стриттен келген қасқыр») де марапаттау жоспарда бар көрінеді.
Юппер мансабында көптеген еуропалық және американдық режиссерлармен, соның ішінде Жан-Люк Годар («Құштарлық»), Марко Феррери («Пьер хикаясы»), ағайынды Тавиани («Таңдау мүмкіндігі»), Михаэль Ханек («Пианиошы қыз») және Дэвид О. Расселл («Жүректерді жаулаушы») сынды танымал тұлғалармен бірге жұмыс істеді. Фестивальде актриса ток-шоуға қатысуды жоспарлауда, сол жақта аудиториямен кинодағы көп жылдық жұмысын талқыламақ. Римдегі кинофестиваль 18-28 қазан аралығында өтеді.
пікірлер жоқ, бірінші болыңыз
Пікір қалдыру үшін