«Аға ма әлде неке ме?» комедиясының тұсаукесер күні белгіленді
26 қазан күні еліміздің барлық кинотеатрларында «Аға ма әлде неке ме?» фильмінің көрсетілімі басталады. Авторлар тұсаукесердің алдында комедияның ресми постерін таныстырды.
«Аға ма әлде неке ме?» фильмі – Гаухар мен оның бес ағасы туралы баяндайтын комедиялық хикая. Бойжеткен жеке өмірін бір арнаға тоғыстырғысы келеді, алайда ағаларының шектен тыс қамқорлығынан онысы оңай бола қоймайды. Кенеттен Гаухардың жүрегі үшін шынайы күресе білетін сері жігіт пайда болады.
Басты кейіпкерді Құралай Анарбекова сомдады, ол сонымен қатар картинаның бас продюсері атанды. Оның экрандағы ағаларын Әбунасыр Серіков, Бауыржан Қаптағай, Олжас Абай, Мұрат Бисенбин және кинода дебют жасаған Нұрлан Сабыров сомдайды. Ал Гаухардың жүрегіне таласатындардың рөлін Дәурен Серғазин мен Тәуекел Мүсілім ойнады.
Картинаның қоюшы-режиссері «Өгей жүрек», «Сүйе білсең» және «Қазақ аруы» хикаяларын түсірген Ернар Нұрғалиев болды. Фильм өндірісімен Corich production продюсерлік орталығы айналысты.
«Аға ма әлде неке ме?» фильмі Алматыда түсірілді. Түсірілім биылғы жылдың 26 мамырынан бастап, 29 маусымға дейін жалғасты.
пікірлер жоқ, бірінші болыңыз
Пікір қалдыру үшін