Канны-2018: Бен Кингсли «Дали елі» өмірбаяндық фильмінде Сальвадор Далидің рөлін сомдайды
«Оскар» жүлдесінің иегері Бен Кингсли («Соғыс көлігі», «Қорғаушы») «Дали елі» өмірбаяндық фильмінде танымал сюрреализм өкілі Сальвадор Далидің рөлін сомдайды. Сондай-ақ, режиссер Мэри Хэрронның («Америкалық есалаң», «Ізбасарлар») жобасына Лесли Мэнвилл («Елесті жіп», «Барлығы немесе ештеңе») Тим Рот («Жиіркенішті сегіздік», «Осы жылдамдықтағы өмір») және Франк Диллэйн («Теңіздің ортасында», «Тірі өліктерден қорқу керек» хикаясы) қатысады. Лесли Мэнвилл Сальвадор Далидің әйелі әрі музасы Галаның рөлін сомдайтын болады.
Bankside Films студиясы фильмді Канн фестиваліне әзірлемек және оны келесі аптада халықаралық жалға берушілерге ұсынады. Мэри Хэррон «Дали елі» фильміне арналған сценарийді өзінің жұбайы Джон Уолшпен («Әуе қорғаны») бірге жазды. Жақында ғана Netflix Хэрронның «Бұл - Грэйс» атты шағын хикаясының көрсетілімін сәтті өткізді. Сонымен қатар, ол сектаның негізін салушы Чарльз Мэнсонның рөлін сомдаушы Мэтт Смитпен («Тәж» хикаясы, «Кім дәрігер») бірге «Отбасы» фильмін айналымға әзірлеуде. «Отбасы» фильмі сектаға кірген үш әйелдің аяусыз өлімге көзқарастары мен сюжет бойынша түрмеге қамалуын ұсынады.
пікірлер жоқ, бірінші болыңыз
Пікір қалдыру үшін