Баян Есентаеваның «Баян. Өзім жайлы ғана емес» кітабы 2 миллион теңгеге сатылады
Баян Есентаева «Баян. Өзім жайлы ғана емес» кітабын 2 миллион теңгеге сатпақшы. Танымал продюсер 13 жасар Әлинұрдың көптен бері армандап жүрген тыңдау аппаратын сатып алу үшін осындай қадамға барып отыр. Қайырылымдылық акциясының идеясы «Жүрекпен тыңдаймын» қорына тиесілі.
«Бұл кітап жүрегі кең әрі жомарт адамның қолына түседі деп үміттінемін. Сатылымнан түскен бар қаражат есту мүшесінде ақауы бар балаларды емдеуге жұмсалады. Жақсылық жасаған адамның жомарттығы өзіне жүз есе болып оралсын»,-дейді продюсер өзінің бейнежазбасында.
.jpg)
Еске сала кетсек, «Баян. Өзім жайлы ғана емес» - Баян Мақсатқызының алғаш рет жазып отырған кітабы. Туындыда продюсердің жарқын естеліктері мен жеке өмірінің құпиялары баяндалған. Автордың айтуынша, аталмыш жинақта бұрынғы күйеуі Бақытбек Есентаевпен болған кикілжіңнен кейін туындаған түрлі сұрақтарға жауап жазылған.
Продюсердің ғұмырнамасы алғаш рет кітап сөрелеріне ағымдағы жылдың 5 шілдесінде шыққан болатын. Баян кітабының Алматыдағы ресми тұсаукесерінен кейін Қазақстан қалаларын аралап, оқырмандарымен әрі жанкүйерлерімен кзедесу өткізіп жүр.
Есентаева жақында ғұмырнамасын Ақтөбеде таныстырған болатын.
пікірлер жоқ, бірінші болыңыз
Пікір қалдыру үшін