«Джунгли бойымен круиз»: Disney-дің тұсаукесері 9 айға жылжыды
Disney студиясының «Джунгли бойымен круизының» тұсаукесері 9 айға жылжыды, жазғы киномаусымның ортасы 2020 жылдың 24 шілдесіне шегерілді. Дуэйн Джонсон («Зәулім ғимарат», «Рэмпейдж») және Эмили Блант («Тыныш мекен», «Пойыздағы қыз») – осы шытырман оқиғалы жобаның бас жұлдыздары, оның тұсаукесері алдыңғы жолы 2019 жылдың 10 қазанына жоспарланған еді. Бұл таспа қазіргі таңда ресми атауы мен күніне ие болған жалғыз тұсаукесер болды.
«Джунгли бойымен круиз» түсіріліміне режиссер Жаума Кольет-Серра («Жолаушы», «Отмель») жетекшілік етуде. Фильмдегі оқиға XX ғасырдың басында Оңтүстік Америкада, Амазонка өзенінің ну орманында өрбиді. Дуэйн Джонсон кеме капитанын ойнайды, ол қарындасы (Эмили Блант) мен оның ағасын (Джек Уайтхолл, «Зауал мен қирату» және «Қала аңыздары» хикаялары) бортқа әкеледі де, барлығы емдік қасиеті бар ғажайып ағашты іздеуге кіріседі. Жол бойынша үшеуі көптеген жабайы аңдарға тап болып, неміс экспедициясымен шайқасқа түседі.
«Ханымдар мен мырзалар, сонымен қатар түрлі жастағы балалар. Фильмдегі серіктесім Эмили Блант екеуіміз махаббатпен ӨМІРДЕГІ ЕҢ БАСТЫ ХИКАЯЛАРҒА қосылуға шақырамыз. Орын шектеулі...», - деп жазды Джонсон жұма күні Twitter парақшасына. «Джунгли бойымен круиз» жобасының түсірілімі биылғы қыркүйекте басталған болатын.
«Джунгли бойымен круиз» шытырман оқиғалы фильмі 2020 жылдың 24 шілдесінде айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін