Қуаныш Жылжақсынов: ««Nya Nya аға» хикаясы – мен туралы оқиға»
Жас актер Қуаныш Жылжақсынов асықпай, бірақ сенімді түрде кино әлеміне қадам басып келе жатыр. «Нархоз» хикаясындағы студенттің рөлінен кейін, актерға «Nya Nya аға» жаңа ситкомында «мұртты күтушінің» рөлін сомдау бұйырды. Қуаныш өзінің ерекше образы жайында «Бродвей» кинопорталының оқырмандарына айтып берді.
«Nya Nya аға» хикаясы – сән журналындағы әкімшілік жұмыстың орнына, бала күтушісі болатын Мақсаттың шытырман оқиғасы. Басылым директорының өзі өтінгендіктен, кейіпкер бұл жұмыстан бас тарта алмады, оның үстіне қаламақысы да жоғары болмақ. Мақсат келісімін бергеннен бастап, қызықты оқиғалар орын алады.
«Nya Nya аға» хикаясы – мен туралы оқиға. Төрт жиенімді сәби кездерінен бастап бақтым. Балалармен жақсы тіл табыса аламын. Сондықтан, түсірілім алаңында ешқандай қиындықтар болған жоқ. Мақсат қызықты кейіпкер, мінезі тура менікі сияқты. Өмірдегі сәтсіздіктерге қарамастан, ешқашан берілмейді, үнемі көңілді жүреді. Сюжет бойынша ол ғашық болады, сондықтан да тау қопаруға дайын шығар!»,-дейді Қуаныш.
Айта кету керек, бұл актердің продюсер Алмагүл Тілеухановамен бірігіп жасаған үшінші жобасы болып саналады. Екеуінің алғашқы жұмысы «Нархоз» жобасынан бастау алды, ал екіншісі «Бойжеткен» фильмінің түсірілімінде болды.
Қуаныш Динара Бақтыбаевамен де бірінші рет жұмыс істеп отырған жоқ. Олар бұрын «Нархоз» хикаясында басты рөлдерді сомдаған.
«Nya Nya аға» түсірілімі аяқталды. Бірақ, отбасылық комедияның телеэкранға қашан шығатыны әзірге белгісіз.
Суреттер Қуаныш Жылжақсыновтың жеке Instagram парақшасынан алынды
пікірлер жоқ, бірінші болыңыз
Пікір қалдыру үшін