Жазғы кинотеатр «Он и Она» романтикалық фильмінің көрсетіліміне шақырады
Жаздың алғашқы сенбісінде Алматы қаласындағы «Киносад» Ботаникалық бағының кинотеатры көрермендерді «Он и Она» романтикалық фильмінің көрсетіліміне шақырады. Кіру тегін.
Басты кейіпкер – жас сценарист, тағдырында Ол пайда болмағанға дейін, бірқалыпты өмір сүріп жүреді. Бейтаныс ару кейіпкерді нағыз махаббаттың бар екеніне сендіреді. Бірақ, қыз жігіттің музасына айналып, кенеттен ғайып болып кетеді. Жігіт болса, бейтаныс арудың кім екенін білмей, қайта кездесе ме, жоқ па деген сауалдардың төңірегінде ойланып қала береді.
Картинадағы ғашықтар рөлін Динара Бақтыбаева мен Жандос Айбасов сомдады. Сондай-ақ, фильмге Азат Сейтметов, Асылхан Төлепов, Әнуар Нұрпейісов, Жанна Қуанышева және т.б. түсті.
Айта кету керек, «Он и Она» фильмі тек режиссер Сәкен Жолдастың ғана емес, Динара Бақтыбаеваның да дебюті болды. Аталмыш картинадан соң актрисаны түрлі жобаларға шақыра бастады. Олардың ішінде «Super Той», «Питерден келген оралман», «Желіде» толықметражды картиналары да бар.
«Киносад» жазғы кинотеатрының бас демеушісі әрі ұйымдастырушысы – Қазақстан Халық банкі аясындағы «Халық» қайырымдылық қоры. Сонымен қатар, аталмыш жобаға «Басты Ботаникалық бағының даму қоры» қоғамдық қоры, «Ботаника және фитоинтродукция институты» шаруашылық жүргізу құқығындағы Республикалық мемлекеттік кәсіпорны КН ҚР БҒМ және «Бродвей» кинопорталы қолдау білдірді.
Қонақтарды жинау сағат 18:30-да басталады. Көрсетілімнің басталуы: сағат 19:30-да. Өткізілетін орны: Алматы қаласының Ботаникалық бағы, үйеңкі алаңы.
Шара ұйымдастырушылары жазғы кинотеатрға келушілерден өздерімен бірге жылы жамылғыларды, масалар мен жәндіктерден қорғануға арналған құралдарды алып келулерін сұрайды. Сонымен қатар, Ботаникалық бағының аумағында алкогольді сусындарды ішуге тыйым салынатынын ескертеді.
Келесі апталарда «КиноСад» кинотеатры көрермендерге екі танымал режиссердің картиналарын: Ақан Сатаевтың «Анаға апарар жол» драмасын және Ермек Тұрсыновтың «Кемпiр» комедиясын ұсынбақ.
3.06.17 | Нақты ақпаратты Brod.kz сайтынан біле аласыздар |
|
пікірлер жоқ, бірінші болыңыз
Пікір қалдыру үшін