Ақан Сатаевтың «Она» фильмінің әлемдік тұсаукесері
Бүгін, 13 қазан күні Оңтүстік Кореяда, Пусанда Ақан Сатаевтың «Она» фильмінің әлемдік тұсаукесері болады. Картинаның алғашқы көрермендері XXII Пусан халықаралық кинофестивалінің BIFF (Busan International Film Festival) қонақтары мен төрешілері болмақ. Тұсаукесерге Ақан Сатаев, басты рөлді сомдаушы Айсұлу Әзімбаева және продюсер Ернар Құрмашев қатысады.
«Она» фильміндегі оқиға заманауи өмірде болған. Үлкен шаһарда анасы мен қызы тұрады. Бір қарағанда олардың өмірі бейқам өтіп жатқан сияқты: әйел жұмысымен әрі бала тәрбиелеумен айналысып жүреді. Бар ерекшелігі, олар қалада жалғыз.
Кинотаспаға Айсұлу Әзімбаева мен Анастасия Вострова түсті.
Ақан Сатаев XXII Пусан халықаралық кинофестивалінің ашылуында
Сценарий авторы - Тимур Жақсылықов, ол Сатаевпен алғаш рет жұмыс істеп отырған жоқ. Драматург режиссердің көптеген картиналарына, атап айтқанда «Аудандар», «Анаға апарар жол» және «Хакер» сынды фильмдеріне сценарий жазған. Таспаның музыкасымен Әлім Заиров пен Роман Вишневский айналысты.
Еске сала кетсек, «Она» фильмі «Азиаттық кино терезесі» атты байқау бөліміне қатысып жатыр, ол жақта қазақстандық картинамен қатар, Үндістан, Катар, Қытай, Таиланд және Жапония елдерінен келген 56 жұмыс бар. Фестиваль аясында барлығы 298 фильм көрсетіледі.
Пусандағы кинофестиваль 2017 жылдың 21 қазанына дейін жалғасады.
пікірлер жоқ, бірінші болыңыз
Пікір қалдыру үшін