Николас Кейдж қазақ киносына түсуге қарсы емес
«Оскар» және «Алтын глобус» атты басты екі киножүлделерінің иегері, Голливуд актері Николас Кейдж алғаш рет қазақ жеріне қадам басты. Жұлдыз XIII Халықаралық «Еуразия» кинофестивалінің құрметті қонағына айналды. Актер арнайы ұйымдастырылған баспасөз-конференциясында Астанаға қатысты әсерлерімен бөлісіп, отандық журналистердің сұрақтарына қуана жауап берді.
Бір қызығы, Қазақстан астанасы жұлдызға өткен жүзжылдықтың 30-жылдары түсірілген Уильям Кэмерон Мензиестің «Болашақ бейнесі» фантастикалық картинасындағы көріністерді еске түсірген. Сондай-ақ, Николас қазақ киносына түскісі келетінін де жасырмады.
«Мен осы елдің киножобасына қуана қатысар едім. Баспасөз-конференциясы басталмай тұрып, «Қазақ хандығы. Алмас қылыш» фильмінің режиссерімен кездесіп, бірінші маусымын сыйлыққа алдым. Мен жаңа жерлермен танысқанды жақсы көремін, сондықтан Қазақстан мәдениетімен таныс болу маған өте қызық»,-деп бөлісті Николас Кейдж.
Актер биыл 53 жасқа толды. Осыншалықты жасына қарамастан Николас Коппола (актердің шын есімі – ред.) физикалық бейнесін жақсы сақтаған. Өзін әлі күнге дейін жігерлі әрі тың сезінуі туралы ол былай деді:
«Мен көп қозғалуға тырысамын. Күніне 2 сағат міндетті түрде физикалық жаттығулар жасап тұрамын. Жарты жылға жуық джиу-джитсумен айналыстым. Бірақ, қазір шығыс жекпе-жегімен айналысып жүрген жоқпын».
Әлемдік жұлдызға естелік сыйлық ретінде Америка мен Қазақстан арасындағы 50-жылдық достықты бейнелейтін арнайы төсбелгісі және ұлттық дәм – құрт толы қорап ұсынылды.
Суреттерді кинофестивальдің баспасөз қызметі ұсынды
Фотограф: Иркабаев Ришат
1 пікір
Пікір қалдыру үшін
Мырзахмет
30 шілде 2017, 22:45История и кино, старые и новые фильмы. Легенда и человек души. Кто может не растаять перед ним. О да если он сыграет во, что то новое, именно я вам могу даже подсказать. Исторические фильмы. Это его фишка в казахском кино будет классно.