Асқар Ұзабаевтың «91» фильмінің саундтрегі жарияланды
24 тамыз күні танымал Ninety One тобы туралы баяндайтын «91» өмірбаяндық таспасының көрсетілімі басталады. Картинаның шығуына орай бойз-бенд фильмге саундтрек жазып, бейнебаян түсірді. Кинотаспаның ресми музыкалық композициясы «Мұз» әні болды.
«91» өмірбаяндық драмасы алғашқы Q-pop тобы - Ninety One жайында. Фильм қазақ музыкасының өндірісі туралы бар шындықты көрсетіп, бойз-бенд солистерінің өз жанкүйерлерін табу үшін қаншама қиындықтан өткенін бейнелейді.
Таспа режиссері - Асқар Ұзабаев. Картина түсірілімі 2017 жылдың сәуірінен мамыр айына дейін Алматыда өтті. Картинаның қоюшы-операторы - Азамат Дулатов. Сценарийін Асқар Ұзабаев пен Сергей Литовченко жазды. Жобаның продюсерлері - Ерболат Беделхан, Әсел Сәдуақасова, Асқар Ұзабаев.
«91» фильмі еліміздің барлық кинотеатрларында орыс субтитрларымен бірге қазақ тілінде көрсетіледі.
пікірлер жоқ, бірінші болыңыз
Пікір қалдыру үшін