«Оралман» International Filmfestival Mannheim-Heidelberg жүлдесіне ие болды
«Оралман» отандық драмасы International Filmfestival Mannheim-Heidelberg-те арнайы жүлдеге ие болды. Картина визуалды драмалық әрі отбасылық эмоционалды әсерлі хикаясы үшін көзге түскен. Халықаралық кинокөрсетілім Мангейм неміс қалашығында 66-рет өткізілді.
Отанына оралғандар туралы баяндайтын «Оралман» фильмі International Newcomer Competition байқау бағдарламасында таныстырылды. Қазақстандық драмамен қатар, бағдарламаға Аргентина, Бразилия, Израиль, Үндістан, Нидерланды, АҚШ пен Түркия елдерінен келген жұмыстар қатысты. «Үздік көркем фильм» бас жүлдесін «Техаста көрісеміз» итальяндық таспасы иеленді. Тағы бір арнайы жүлде «Ормандағы қыдыру» филиппиндық картинасына берілді.
Еске сала кетсек, оралмандар туралы фильмді Сәбит Құрманбеков «Қазақфильм» киностудиясының және «Қадам» кинокомпаниясының негізінде түсірген. Сценарийін Нұрлан Санжар, музыкасын Айдос Сағат жазды. Драмаға Дулыға Ақмолда, Ержан Түсіпов, Есім Сегізбаев, Шынар Асқарова және Баян Қажнабиева түскен.
Суреттерді Ш. Айманов атындағы «Қазақфильм» киностудиясының баспасөз қызметі ұсынды
пікірлер жоқ, бірінші болыңыз
Пікір қалдыру үшін