Пенелопа Крус Динара Бақтыбаеваға қошемет сөздер айтты
Отандық актриса Динара Бақтыбаева 71-ші Канн кинофестивалінің ашылу салтанатында әлемдік деңгейдегі жұлдыздарды киім үлгісімен таң қалдырды. Бойжеткен қазақстандық дизайнердің қолынан шыққан көйлегімен қызыл кілеммен жүріп өтіп, әлемдік жұлдыз Пенелопа Крустан қошемет сөздер естіді.
«Біреу көйлегімнің Қызыл кілемде үздік болғанын айтты, маған жақындап, суретке де түсіп жатты және ең бастысы - Пенелопа Крустың өзі маған қошемет сөздер айтты: «Beautiful dress!». Бақытымда шек жоқ! Барлығына бұл біздің дизайнердің қолынан шыққан деп мақтанып айттым! Кейбіреулер байланыс номерін де сұрап қалды!» (Пунктуация мен орфография сақталды. – Ред.), - деп бөлісті актриса.
Динара Бақтыбаева Каннда Әділхан Ержановтың «Әлемнің мейірімді бейжайлығы» фильмін таныстырды, картинада актриса басты рөлдердің бірін сомдады. Фильм «Ерекше көзқарас» байқауына еніп, 17 мамыр күні көрсетіледі.
Еске сала кетсек, сондай-ақ, кинофестивальдің ашылу салтанатына актриса әрі продюсер Құралай Анарбекова да қатысқан болатын.
Превью: Динара Бақтыбаеваның Instagram-дағы жеке парақшасынан
1 пікір
Пікір қалдыру үшін
Мырзахмет
16 мамыр 2018, 23:11Это все, то что если мы хотим будет и умеем. Но да ужаса, мы сами себя портим. Это наша горькая правда. Казак десе озыне тиеды