«Қараман» тылсым триллерінің алғашқы тизері
Alan cinema production «Қараман» тылсым триллерінің алғашқы тизерін ұсынды. Фильм отандық айналымға 2018 жылдың басында шығады.
«Қараман» - көне жәдігерлерді тауып, оларды қара базарда сатып өмір сүретін бес қазушы туралы баяндайды. Зерттеушілер тобы бір алтын мүсінше туралы естіп, соны іздеуге аттанады. Кейіпкерлерге аса сақ болу қажет: олар алтын іздейміз деп жүріп, тұзаққа түсіп қалулары мүмкін.
Фильм идеясы Марат Абдуллаевқа тиесілі, сценарийін Мейірмани Нұрлыбек пен Тимур Жақсылықов жазды. Атқарушы продюсерлер - Ришат Әділбеков және Айдай Жамбоева. Жобаның бас продюсері - Мұрат Бекмұратов.
Дәстен Шәкіров пен Асан Мәжит «Қараман» фильмінің түсірілімінде
Сондай-ақ, фильм түсіріліміне қоюшы-оператор Қазбек Әмержанов, композитор Әбілқайыр Жарасқан және режиссер мен актер ретінде Дәстен Шәкіров атсалысты.
Еске сала кетсек, «Қараман» биылғы жылы маусымнан қазан айына дейін түсірілген. Оған Асан Мәжит, Марат Абай-Ділда, Филип Волошин, Райхан Айтқожанова және Жұлдыз Сапарғалиева қатысты.
пікірлер жоқ, бірінші болыңыз
Пікір қалдыру үшін