«Пиноккио»: Гильермо дель Торо анимацияны қолға алмақ
Белгілі режиссер Гильермо дель Торо («Су қалыбы», «Қып-қызыл шың») «Пиноккио» анимациясын қолға алмақ. «Оскар» иегерінің жаңа таспасының тұсаукесері Netflix стримингті қызметінде өтеді, ол түсірілімге рұқсатын да беріп қойған. Бұл жоба дель Тороның мультипликациялық жанрдағы режиссерлік дебюті болмақ. «Пиноккио» нағыз тірі бала болғысы келетін қуыршақ туралы классикалық балалар ертегісінің музыкалық нұсқасы ретінде жоспарланып отыр. Сондай-ақ, Гильермо дель Торо фильм сценарийін жазып, продюсер болуды қалап жүр.
«Пиноккиодағы» оқиға Италияда өткен ғасырдың 30-жылдарында өрбиді, бұл уақыт ел тарихында өте ауыр кезең болды, фашизм өрбіп, Бенито Муссолини мемлекетте болып жатқанның барлығын бақылап отырды. «Пиноккио» түсірілімі осы күзде басталады. Дель Торо алдында да фильмдерінде тоталитарлы уақытты қамтыған болатын, оның «Әзәзілдің арқасы» және «Фавн лабиринті» таспалары Испания генерал Франконың билігінде болған кезді көрсеткен, сол арқылы экраннан тылсым әрі жауыз атмосфера берілді.
пікірлер жоқ, бірінші болыңыз
Пікір қалдыру үшін