ZHAIK Film Fest екінші фестивалінің жеңімпаздары
ZHAIK Film Fest екінші қысқаметражды фильмдері фестивалінің байқау бағдарламасына бүкіл Қазақстаннан 23 картина қатысты. Көрсетілім қатысушылары 8 номинация бойынша үздік атауына таласты.
Жұмыстарды сарапшы қазылар алқасы бағалады, олардың құрамына кинорежиссер Нариман Төребаев, қоюшы-оператор Шерхан Таңсықбаев, режиссер Максим Қодаров және режиссер Жасұлан Пошанов енді.
Режиссер Максим Қодаров ZHAIK Film Fest қысқаметражды фильмдер фестивалінде
Асылхан Шәкеновтың «Бір күні кішкентай қалада» картинасы «Гран-при» иеленді. Ал басқа номинацияларды келесі фильмдер жеңіп алды: «Үздік режиссер» - Рахымжан Қалдыкөз («Шыңырау»), «Қазылар алқасының арнайы таңдауы» - «Қыс мезгіліне жабық» Жәнібек Мұртазин, «Үздік сценарий» - «Соңғы мұғалім» Ален Рахметалиев, «Үздік актер» - Асылбек Мұсабеков («Бір күні кішкентай қалада»), «Үздік актриса» - Әдемі Еділова («Құс»), «Үздік оператор» - Еркебұлан Балғабай («Қош бол, досым»), «Орал байқауының үздік фильмі» - «Ыза» Армат Телманов, «Көрермендер көзайымы» - «Қош бол, досым» Тимур Сердалин. Ал «Fresh City журналының нұсқасы бойынша үздік фильм» арнайы жүлдесі Ыдырыс Галимуллинның «Түсік жасату» таспасына берілді.
Айта кету керек, Асылхан Шәкеновтың «Бір күні кішкентай қалада» фильмі II Республикалық қысқаметражды кинофестивалінің «Бродвей таңдауы» жүлдесін иеленген болатын.
пікірлер жоқ, бірінші болыңыз
Пікір қалдыру үшін