Санжар Мәди «ЭКСПО-2017» аясында өтетін ақындар кешіне қатыспақ
Актер Санжар Мәди «ЭКСПО-2017» аясында Астанада ұйымдастырылып отырған ақындар кешінің қатысушысы атанды. Шара 23-24 маусым аралығында Creative Energy Area павильонында өтетін болады. Актермен қатар, өз шығармашылығын Mezzo музыкалық тобы, жас ақын Ғалымжан Жалайыр және Астана суретшілері таныстырады.
Санжар Мәди музыкант Зара Есенаманмен бірігіп, «slam poetry» ақындар жекпе-жегіне шығып, өз туындыларын оқитын болады. Одан кейін, екеуі көрермендерге ақындар Біржан мен Сараның 1871 жылғы айтысынан үзінді келтіреді. Перфоманстан бөлек, актер мәдениеттегі жаңа ағым кибер-поэзия мен кибер-ақындар туралы интерактивті дәріс оқиды.
.jpeg)
Ақындар кеші аясында «Әйелдер образына» кірген 8 қысқаметражды картина көрсетілмек. Олар - Джулия Ғани «Көңілдес әйел», Ядыкар Ибраимов «Құмыраға құйылған кез-келген су», Сәбит Әбді «Ғайша», Айгүл Ақсамбиева «Түнгі жарық», Сафар Шакеев «Қабылдау ауыр», Айнұр Ниязова «Сол бір мамыр айында», Дәрежан Өмірбаев «Күз» және Нұрәлі Қадыров «Самғау». Барлық картиналар Орта Азияның заманауи және классик ақындары өлеңдерінің желісімен түсірілген.
Еске сала кетсек, Санжар Мәди «Үйге барар жол», «Аманат», «30-да күйеуге шығу» картиналарындағы рөлдері арқылы танымал. Отандасымыз соңғы екі жылда бірнеше ресей жобаларына түсіп қайтты. Олар - «Қорғаушылар» фантастикалық фильмі, «Алтын Орда» тарихи хикаясы және «Саз шұңқыр» көркем фильмі.
Превью: Валерий Димов
пікірлер жоқ, бірінші болыңыз
Пікір қалдыру үшін