«Телепорт» хикаясы эфирге шығады
Бүгін, 4 желтоқсан күні «Телепорт» телехикаясының тұсауы кесіледі. Көпсериялы фильмді Қазақстан Республикасы ақпарат министрлігінің тапсырысымен «Рухани жаңғыру» мемлекеттік ұлттық бағдарламасы аясында Қанағат Мұстафин түсірген.
«Телепорт» - Ұлттық мұражайда тәжірибеден өтіп жүрген студенттер туралы хикая. Балалар көне жәдігерлермен танысып, еліміздің өткенін зерттейді. Кенеттен мәдени ескерткіштер тіріліп кетеді де, студенттер ата-бабаларының заманына сапар шегеді.
Режиссердің айтуынша, көрермендерді тарихи мәліметтерге толы фантастикалық жастар хикаясы күтіп тұр.
Актриса Айгүл Иманбаева және режиссер Қанағат Мұстафин «Телепорт» хикаясының түсірілімінде
Экрандағы фильм кейіпкерлерін кәсіби және жас актерлар сомдайды. Олар - Айгүл Иманбаева, Ғани Құлжанов, Ернар Жұматаев, Нұрсұлтан Сыдық, Әсел Нұртазина, Данияр Оразаев, Таңсұлу Баталова және Жұлдыз Ерболат.
Көпсериялы таспа Астанада «Мұражайдағы практиканттар» уақытша атауымен түсірілген. Картинаға ҚазҰӨУ түлектері қатысты. Сценарийін Қанағат Мұстафин Жанат Қасабековпен бірге жазған.
«Телепорт» кейіпкерлерінің хикаясы 12 бөлімде баяндалады.
Бірінші бөлімі 4 желтоқсанда сағат 17:00-де «НТК» телеарнасынан көрсетіледі.
пікірлер жоқ, бірінші болыңыз
Пікір қалдыру үшін