Төреғали Төреәлі «Ұлы дала комедиясы» комедиясын түсіріп жатыр
Эстрададағы танымал әншінің бірі Төреғали Төреәлі өзін кинода сынап көрмек. Әнші түсірілімі Алматыда өтіп жатқан «Ұлы дала комедиясы» комедиялық таспасын түсіруде.
Жаңа комедияның режиссері - Дархан Сәркенов. Қоюшы үшін жоба екінші толықметражды фильм болмақ. Оның алғашқы «Екі адамдық мақала» фильмі биылғы тамызда жарыққа шығады. Сондай-ақ, режиссердің портфолиосында «Қозы Көрпеш - Баян Сұлу» және «Nya Nya аға» хикаялары бар.
«Ұлы дала комедиясы» фильміндегі басты рөлдерді Төреғали Төреәлі және Мәдина Оспанова сомдайды. Сонымен қатар, түсірілімге қоюшы-оператор Қанатжан Мырзағалиев және қоюшы-суретші Ілияс Тұрмахан атсалысуда.
Айта кету керек, авторлар сценариймен бір жылдай айналысқан. Олардың айтуынша, қазақстандықтарды өте көңілді әрі ырғақты фильм күтеді.
пікірлер жоқ, бірінші болыңыз
Пікір қалдыру үшін