Алматыда жапон киносының апталығы болады
22-26 қыркүйек аралығында «Цезарь» кинотеатрында «Жапон күзі» фестивалінде жапон киносының апталығы болады. Көрермен назарына күншығыс еліндегі үздік режиссерлардың жұмыстары көрсетілмек.
Жапон киносы апталығын ашу бақыты Йодзиро Такитаның «Кеткендер» фильміне бұйырды. Сондай-ақ, шара барысында Такеши Китано, Киеси Куросава және Едзи Ямада сынды белгілі режиссерлардың картиналары көрсетіледі.
«Кикуджиро» (Такеши Китано). Кикуджиро – бұзық әрі еркетотай бала, үлгі болуға тұрмайды. Кейіпкер Масао есімді кішкентай балаға анасын іздеуге көмектеседі.
«Затойчи» (Такеши Китано) – соқыр саяхатшы Затойчи туралы хикая. Кейіпкер массаж бен құмар ойындары арқылы нанын тауып жеп жүреді. Бірақ, соқырдың арғы жағында мықты күрескердің жасырынғанын ешкім байқамайды.
«Жапон күзі» фестивалінің бағдарламасы
«Токиолық соната» (Киеси Куросава). Фильм сюжеті тұрақты айлығынан айырылып, көз алдыңда сөніп бара жатқан бір отбасы туралы баяндайды.
«Кабеи – біздің анамыз» (Едзи Ямада) – саяси көзқарасының салдарынан түрмеге қамалған еркектің әйелінің хикаясын баяндайтын картина. Балаларымен жалғыз қалған Кабеи өз-өзін қолға алып, 40-жылдардағы қатігез Жапонияда өлместің күнін кешіп жүреді.
Көрсетілімдерге кіру тегін.
1 пікір
Пікір қалдыру үшін
Мырзахмет
18 қыркүйек 2017, 12:46Одумались показывать японские фильмы. Но я все же за.