Алматыда «Киноны бірге жасайық!» байқауына қатысқан фильмдер көрсетілді
Алматыда Chaplin Mega Park кинотеатрында «Киноны бірге жасайық!» байқауына қатысқан фильмдер көрсетілді. Көрермендерге шынайы оқиғаларға негізделген қысқаметражды 10 картина ұсынылды.
«Киноны бірге жасайық!» жобасын «Астана Моторс» Қазақ моторлы компаниясы өзінің 25 жылдығына орай ұйымдастырған. Байқау екі кезеңнен тұрады. Бірінші кезеңде Қазақстан тұрғындары өздерінің хикаяларын жіберген. Екіншісінде топтар анықталып, Бақыт Қилыбаевтың жетекшілігімен фильмдер түсірілді.
«Бастапқыда компанияның басқа идеясы болған, яғни қазақстандықтардың есінде қалатын ерекше ролик түсіруіміз керек еді. Бірақ, Бақыт Қилыбаевпен әңгімелесіп отырып, «шынайы оқиғадан асқан туынды жоқ» деген ой келді. Бізге 80-ге жуық әңгіме келіп түсті. Жобаның басты мақсаты – компанияның құрылуынан бастап, бүгінгі күнге дейінгі жолды бізбен бірге жүріп өткен отандастарымызға көңіл-күй сыйлай. Осы жобаға атсалысқан барлық авторларға хикаялары үшін алғыс білдіреміз»,-дейді компания өкілі Ләззат Айжанова.
Кинокартиналарды түсіруге жастармен қатар, кәсіби кинематографшылар да атсалысты. Олардың қатарында мынадай актерлар мен режиссерлар бар: Айдын Самахан, Бейбіт Өнер, Алдияр Байрақымов, Санжар Мәди, Дина Тасболатова, Динара Бақтыбаева және Төлепберген Байсақалов.
Байқаудың жеңімпазы көрермендердің дауыс беру нәтижесі арқылы анықталады, дауыс беру кезеңі 19 қарашаға дейін ашық.
Превью: Five.kz
1 пікір
Пікір қалдыру үшін
Baubek Nogerbek
19 февраля 2018, 02:50Исправьте пожалуйста ошибку, режиссера зовут Айдын Сахаман, а не Самахан.