Тимур Бекмамбетов Алматыда «Алғашқылар дәуірі» фильмінің тұсауын кесті
Продюсер Тимур Бекмабетов пен режиссер Дмитрий Киселев «Алғашқылар дәуірі» фильмінің тұсауын кесу үшін арнайы Алматыға келді. Картина авторлары сценарийдің қалай жазылғаны мен кинотаспаның өзгешелігі туралы әңгімелеп берді.
«Фильмді бастапқыда Юрий Быков түсірген. Картинаның 90%-ын түсіріп болған соң, туындының біз қалағандай болмағанын ұқтық. Сол себепті, Дмитрий Киселевті арнайы шақырып, картинаны қайта түсірдік. Айта кететін жәйт, Киселевтің «Алғашқылар дәуірі» фильмі ең алдымен Алексей Леонов батырдың көрерменіне арналған. Мен қызметімде бірінші рет кейіпкердің өзі айтып берген оқиғамен жұмыс істеп отырмын. Екіншіден, оқиғаның өзі неткен керемет. Бұл жарты ғасырға жуық уақыт бойы құпия әрі жабық тақырыптың бірі болған еді»,-деп бөлісті фильм продюсері Тимур Бекмамбетов.
«Алғашқылар дәуірі» фильмі – ең алғаш рет адамзаттың ашық ғарышқа сапары туралы баяндайтын шытырманға толы триллер. Туындыны жарыққа шығаруға «Bazeleves» кинокомпаниясы, «Альфа-Банк» пен Ресей кино қоры атсалысты.
Жобаның кеңесшісі кеңес кезеңінің ғарышкері Алексей Леоновтың өзі болды.
«Кейіпкермен болған тоғыз сағаттық сұхбаттан бөлек, мен ғарышкерлердің аспан әлеміне бағытталған саяхатына дейін және кейін жазылған жетпістен астам шынайы келіссөздерінің архивті жазбаларын тыңдадым. Солардың ішінен киноға арқау болатын маңызды бөліктерді іріктеп алдым. Әрине, асыра сілтеп көрсеткен кадрлар да болды, бірақ олардың барлығы фильмді әрлеу үшін жасалды. Ойдан шығарылған оқиғалар жоқ. Сценарий жазумен бірнеше авторлар айналысты. Бұл өте ауыр әрі жауапты жұмыс болды, өйткені, материалдың негізі шынайы оқиғаға құрылған. Оның үстіне, тірі кейіпкердің алдында зор жауапкершілікті сезіндік. Біз сценаристердің ойдан оқиға құрап жазатын драматург екендігін білеміз. Ал бұл жерде қиялға біраз тоқтау салдық»,-деп түсіндірді Дмитрий Киселев.
«Алғашқылар дәуірі» фильмі 6 сәуірден бастап көрсетіледі. Картина туралы жазылған пікірді мына жерден оқи аласыздар.
2 пікір
Пікір қалдыру үшін
Askhat
7 апреля 2017, 22:44Полностью переснять почти готовый фильм, на такое не каждый решиться, но надеюсь что это того стоило
Remet
10 апреля 2017, 19:36Да это наш фильм, про наш космос!