Бішкекте Баян Есентаеваның «Өзім жайлы ғана емес» кітабының тұсаукесері болмақ
10 тамыз күні Баян Есентаева Бішкек тұрғындарына «Өзім жайлы ғана емес» авторлық кітабын ұсынады. Продюсермен кездесу және өмірбаяндық туындысының тұсаукесері «Бактылуу Айым» қырғыз реалити-жобасының аясында өткізілмекші. Шара екі кезең бойынша өтеді, алдымен қырғыз эстрада жұлдыздарының қатысуымен концерт болады, кейіннен таңдаулы қонақтарға арналған жабық кеш өтпек. Ұйымдастырушылардың айтуынша, кездесуге келушілерді көптеген сыйлықтар мен тосын сыйлар күтеді, сонымен қатар, олар Есентаевамен жеке әңгімелесе алады.
Еске сала кетсек, «Өзім жайлы ғана емес» - танымал қазақстандық продюсер, актриса әрі тележүргізуші Баян Мақсатқызының өмірбаяндық кітабы. Актриса естеліктер кітабында бұрынғы күйеуі Бақытбек Есентаевпен арадағы қатынасы жайында және жаңа махаббаты – кәсіпкер Тұрсен Алагөзов туралы баяндап берген.
Ғұмырнаманы Баян биылғы жылдың қыс мезгілінде жазып бітірген. Автордың айтуынша, кітапта бұрынғы күйеуімен арада болған жайсыз жағдайдан кейін қоғамда пайда болған түрлі өсектерге, көптеген сұрақтарға жауап жазылған.
«Өзім жайлы ғана емес» естеліктер кітабының ресми тұсаукесері 5 шілде күні Алматыда өткен. Сонымен қатар, кітап Астана мен Шымкентте таныстырылды.
Қазіргі таңда продюсер қазақ ұлттық поэмасының желісімен «Қозы Көрпеш - Баян Сұлу» хикаясын түсіріп жатыр.
Превью: SNC Kazakhstan
пікірлер жоқ, бірінші болыңыз
Пікір қалдыру үшін