Мәжілісте «Қазақфильмнің» жекешелендіруіне қарсы шықты
«Қазақфильм» киностудиясы жекешелендіру нысандарының тізіміне енді. Мәжілістің пленарлық отырысы кезінде депутаттар премьер-министр Бақытжан Сағынтаевтан ұлттық кино алаңын тізімнен алып тастауды сұрады.
«КСРО құлағаннан кейін жекешелендірілген кітапханалар, мәдениет үйлері, балабақшалар мен басқа да әлеуметтік нысандар өзге мақсаттар үшін пайдаланылды, әлі де пайдаланылып келеді. «Қазақфильмді» сатып алған адамның әрине, киноөндіріспен айналыспайтыны анық. Себебі, киностудия аз ғана уақытта коммерциялық пайда әкеле қоймайды, ал Голливудтың немесе «Мосфильмнің» деңгейіне жету үшін ұзақ жылдар мен қомақты қаржы кетеді. Сол себепті, сатып алушы киностудияның орналасқан жері мен ғимараттың өзіне қызығады. Егер оны шетелдіктер сатып алса, онда мүлдем ұлттық киномыздан айырыламыз. Сондай-ақ, киностудияның иесі өз идеологиясын жүзеге асырып, жас мамандарымыз соның қызығушылығына жұмыс істейтін болады ғой», - деп сөз сөйледі Қуаныш Сұлтанов «Нұр Отан» партиясы фракциясының депутаттарының атынан.
Еске сала кетсек, алдыңғы жолдары Мәжіліс депутаттары «Қазақфильмнің» мемлекеттік қаржыландырудан айырылғанына қатысты мәселе қозғаған болатын.
1 пікір
Пікір қалдыру үшін
Maxim Bogomolov
24 января 2018, 22:32Нур отану верить нельзя!