Айналымға «Қаракөз» атты отандық қорқынышты фильм шығады
Қазақстандықтар 1 қарашадан бастап «Қаракөз» атты отандық хоррорды тамашалай алады, картинаға Роман Сидоренко мен Максим Якобчук режиссерлік етті. Таспа продюсерлері - Ибрагим Махмұтов және Дмитрий Кириенко.
Фильм сюжеті біз естіген жындар жайлы баяндайды. Басты кейіпкерлер тылсым күштердің шындығында бар немесе жоқ екенін тексеріп көруге тырысады, бірақ өздері солардың қолына түсіп қалады.
Картинадағы басты рөлдерді Әли Оқапов, Бибігүл Ақтан, Дарья Александрова, Владислав Букаткин, Алдияр Байрақымов сомдады.
Сонымен қатар, қорқынышты фильммен операторлар Виталий Бредик және Юрий Кириенко айналысты. Музыкасын Әзім Абдуллаев пен Steppe one тобының этно-джазы жазды.
Айта кетсек, таспа продюсері Дмитрий Кириенко алдыңғы жолы «Миымды ашытпаңыздаршы» фильміне продюсерлік еткен, ал басты рөлдердің бірін сомдаған Алдияр Байрақымов жақында «Шек» дебютті толық мертін ұсынған болатын.
«Қаракөз» таспасын Chaplin кинотеатрынан қарашаның бірінші жұлдызынан бастап тамашалауға болады.
.jpg)
пікірлер жоқ, бірінші болыңыз
Пікір қалдыру үшін