«Вице-президент»: Кристиан Бэйл және Эми Адамс әлемді өзгерте алған адам жайлы хикаяда
Annpurna Pictures студиясы режиссер әрі сценарист Адам МакКейдің («Төмендету ойыны», «Терең запастағы коптар») «Вице-президент» өмірбаяндық драмасының алғашқы трейлерін таныстырды. 44 жасар актер Кристиан Бэйл («Дұшпандар», «Уәде») АҚШ-тың 46 жасар вице-президенті Дик Чейнидің рөлі үшін, оның саяси мансабындағы түрлі кезеңін дәл көрсету мақсатында бірнеше ондаған килограмм қосып, қасын ағартты. Бұрын ол «Машинист» және «Американша алдау» жобаларында да сырт келбеті мен салмағына қатысты ерекше физикалық өзгерістерге ұшыраған. Эми Адамс («Өткір заттар» хикаясы, «Әділдік одағы») Бэйлдың экрандағы жары Линнды сомдайды.
«Кристиан Бэйл алдымен өзінің кейіпкерін жеке психологиялық бөліктерге бөліп, кейін барлығын қайтадан бір бүтінге айналдырады. Мен бұрын-соңды өз рөлімен жақсы еңбектеніп, барлық қиын тұстарын тауып алған адамды көрмеппін, шынымен де нәтижесі көрген кезде қуантады. «Вице-президент» жоспарымда ғана болған кезде, Кристианның Чейни рөлін сомдай алатын ең қызықты адам екенін білдім», - деп пікір білдірді Адам МакКей сүйікті актері жайында. Бір қызығы, Сэм Рокуэлл («Көкшіл игуана», «Әйел алда жүреді») «Вице-президентте» Американың қазіргі президенті кіші Джоржд Буштың рөлін сомдайды.
«Вице-президент» өмірбаяндық драмасы 2018 жылдың 25 желтоқсанынан бастап көрсетіледі. Афишамызды қарап жүріңіздер.
.jpg)
пікірлер жоқ, бірінші болыңыз
Пікір қалдыру үшін