Жайдарбек Күнғожинов Әлемдік каскадерлар академиясының «Таурус» жүлдесіне үміткер

25 Апреля, 2017
Мадина
2 229
0

Трюктерді қоюшы әрі Nomad Stunts каскадерлік тобының жетекшісі Жайдарбек Күнғожинов «Таурус» жүлдесіне үміткерлер тізіміне енді. Әлемдік каскадерлар академиясының мәртебелі жүлдесі кинодағы үздік трюктер үшін беріледі. Тарихта алғаш рет үміткерлер арасына Қазақстан азаматы ілінді.

«Таурус» жүлдесі – трюкті кинотуындыларға өз үлесін қосып жүрген каскадерлар мен актерларды, экш жанрындағы режиссерлерді марапаттау мақсатымен өткізілетін жыл сайынғы шара. Үміткерлер бас жүлде –Таурус қанатты бұқасы бейнеленген мүсіншені алу үшін келесі санаттар бойынша сынаққа түседі: «Отпен жасалған үздік трюк», «Төбелеске қатысты үздік көрініс», «Автокөлікпен жасалған үздік трюк», «Үздік әйел трюгі» және т.б.

Биылғы жылы үміткерлер арасында 2016 жылы шыққан фильмдердің трюк қоюшылары бар: «Первый мститель: Противостояние», «Доктор Стрэндж», «Дивергент», «По соображениям совести» және т.б. картиналар. Жайдарбек Күнгүжінов «Викинг» ресейлік фильмімен жұмыс істегені үшін ұсынылып отыр.

Естеріңізге сала кетсек, Жайдарбек Күнғожинов – көптеген жүлделерге ие болған танымал отандық каскадер. Олардың арасында Халықаралық ат актробатикасы фестивалінде «Алтын аю», Қытайда өткен ат трюктері фестивалінде «Қола арыстан», спорттық «Оскар» және т.б. жүлделері бар. оның «Nomad Stunts» тобы «47 ронинов», «Неудержимые 2» фильмдерінде, «Марко Поло», «Бахубали» хикаяларында, сондай-ақ, Игорь Зайцевтың «Тобол» жаңа фильмінде трюктер қойған.

Үміткерлерді салтанатты түрде марапаттау 13 мамыр күні Лос-Анджелесте өтеді.

Превью: Николай Постников