Жанель Мақажан: «Мен тылсым өмірге сенемін»
Театр және кино актрисасы Жанель Мақажан Нұрлан Батыровтың «ПроЯвление» фильміне түсті. Ол күйеуімен бірге қала сыртында тұратын басты кейіпкердің рөлін сомдады. Алаңсыз өтіп жатқан отбасылық өмірі үйде белгісіз әрі қауіпті бір нәрсе пайда болғанда бұзылады. Актриса картина түсірілімінің қалай өткенін, кейіпкерінің кім екенін және елестерден қорқатынын-қорықпайтынын «Бродвеймен» бөлісті.
«Түсірілім ешқандай оқиғасыз, тыныш өтті. Маған түсірілім тобының барлығы ұнады, жігіттермен жұмыс істеу өте ыңғайлы болды. Ал кейіпкерім туралы көп нәрсе айта алмаймын. Өйткені, режиссермен келісіп қойғанбыз. Дегенмен, көрермендердің таң қалатыны анық. Әрине, мен тылсым өмірге сенемін. Тіпті, тылсым оқиғалардың куәсі болған адамдарды да білемін. Қуанышқа орай, өзім ондай жағдайлармен бетпе-бет келген емеспін, ешқашан көрмеймін деп те ойлаймын»,-деді Жанель Мақажан.
Суреттер Жанель Мақажанның жеке Instagram парақшасынан алынды
Оның экрандағы күйеуін Марат Әбішев сомдады. Актерлар үшін бұл біріккен алғашқы жобалары. Сонымен қатар, Жанель бір түсірілім алаңында Дина Тасболатовамен де алғаш рет жұмыс істеді. Топтың ең жас мүшесі, ерлі-зайыптылардың қызының рөлін ойнаған Лина Сұлтанова болды.
Триллер 2017 жылдың 28-наурызынан 11 сәуіріне дейін түсірілген. Түсірілім жұмыстары Астанада өтті.
Естеріңізге сала кетсек, «ПроЯвления» фильмі «Үй» қысқа метрінің негізінде түсірілген. Ол жобаға да Жанель Мақажан атсалысқан. Картина Нұрлан Батыровтың дебютті киножобасы болып, төрт жыл бұрын түсірілген болатын.
1 пікір
Пікір қалдыру үшін
Айман Бержанова
7 маусым 2017, 00:29Жанель прекрасная девушка! Вам творческих успехов! Я няня по фильму))