Жасұлан Пошанов «Қашқарияға саяхат» фильмінің трейлерінен үзінді ұсынды
Жасұлан Пошанов «Қашқарияға саяхат» шытырман оқиғалы тарихи фильмінің трейлерінен үзінді ұсынды. Бейнежазба режиссердің Instagram парақшасына жарияланды.
«Қашқарияға саяхат» - офицер Шоқан Уәлихановтың саяхаты туралы хикая. Ол 22 жасында II Александрдың бұйрығымен Қашқарияға аттанады. Экспедиция өте қауіпті еді, себебі, қалада шетелдіктер мен тыңшыларды жақтырмайтын: оларды дарға асып, қинап өлтіретін. Шоқан өмірін тәуекелге тігіп, көпестің бейнесінде Қытаймен шекаралас аудандарды зерттеді.
Қазақ ғалымының образын актер Рүстем Жаныаманов, ал ғашығы Ажарды Гүлназ Жоланова сомдады. Сондай-ақ, картинаға Берік Айтжанов, Әсет Иманғали, Әділ Ахмет, Дулыға Ақмолда, Марат Абай-Ділда және Бауыржан Қаптағай түсті.
Кадрдан көне қалалар мен әдемі көріністерден бөлек, көрермендер Nomad Stunts каскадерлар тобының әсерлі трюктерін тамашалайтын болады.
Фото: Николай Постников
1 пікір
Пікір қалдыру үшін
Мырзахмет
14 января 2018, 02:21обезательно схожу, фильм о нашей истории.