«Қазаққа ғашық болмаудың 5 себебі»: Оған бес себебің бар

• 28 желтоқсан, 2017
• Мадина
• 2 251
• 0

Әсел Сәдуақасова мен Асқар Ұзабаевтың шығармашылық тандемі былтырғы жылдың соңында бастау алған болатын, ал 2017 жылдың соңына тамана екеуінің қоржынында кең айналымға шыққан үш толықметражды картинасы бар. Асығыс жасалған туындының сапасы қаншалықты болатынын «Қазаққа ғашық болмаудың 5 себебі» жаңа картиналарынан білуге болады.

Жаңа романтикалық комедияда Динара есімді бас кейіпкер Франциядағы оқуын аяқтап, үйіне қайтып оралады. Ол жалғыз емес, жігіті Жюль екеуі бірге келеді. Алайда, қыздың әкесі қарсылық танытып, жалғыз қызының қазақ жігітіне тұрмысқа шыққанын қалайды. Сол кезде Динара бір жоспар құрады, театр актері әрі такси жүргізушісі Дарханды жалған жігіті ретінде жалдайды, жігіт өз кезегінде қазақ жігіттерінің кемшіліктерін бойжеткеннің әкесіне көрсетуге тырысады. Дархан қарт адамды алдағысы келмейді, дегенмен Динараның ұсынысынан бас тартпайды.

«Қазаққа ғашық болмаудың 5 себебі» фильмінің постерінде «жылдың ең басты романтикалық комедиясы» деп жазылған. Негізі, «романтикалық» деген сөзге баса назар аудару керек сияқты. Тандемнің бірінші ортақ жұмысы 100 пайыз «ұзабаевтық» бағытта болса, екіншісі «91» бойз-бэнді айналасындағы танымалдылыққа құрылды, ал үшіншісінде Сәдуақасованың әсері көбірек білінеді. Режиссер әрі сценарийдің қосалқы авторы Асқар Ұзабаев бұл фильмде қосымша жұмыс атқарған сияқты.

Себебі, «5 себептің...» негізінде классикалық ертегілердің постмодерндік мазмұны секілді диснейлік бағыты бар. Оның үстіне, Ұзабаев пен Сәдуақасова пародиясыз «Сұлу ару мен құбыжықты» сипаттағандай болды.

Сондықтан, комедиялық элемент біраз зардап шекті. Картинаға «Абайлаңыз, сиыр!» фильміндегі кейіпкер Әбунасыр Серіков секілді көрермендерді баурап алатын мықты, есте қаларлықтай әзілдер мен шартты «әжуа локомотиві» жетіспейді.

Дегенмен, басты кейіпкердің әкесіне ұқсайтын жігітті таңдағанына қарамастан, фильмнің романтикалық бағыты 100 пайызға жұмыс істегенін айта кету керек. Мысалы, кофейнядағы тапсырыс кезінде болған эпизод Қазақстан кинотарихындағы сөзсіз ең тамаша романтикалық көрініс болды.

Актерлік құрамға келер болсақ, барлығы орынды. Нұржан Садыбеков батыл такси жүргізушісі мен жолы болмайтын актердің образын жақсы алып шықты. Морган Сеги де экранды дебютін жаман ойнаған жоқ. Ал Әсел Сәдуақасова «Қазаққа ғашық болмаудың 5 себебі» фильмінде актрисаға тән жаңаша дүние жасаған жоқ. Ол романтикалық кейіпкерді бірнеше мәрте сомдаған, Сәдуақасованың бұл рөлі «Келін де адам баласы» атты алдыңғы картинасындағы образдан айырмашылығы жоқ. Әкесін сомдаған Мұрат Нұрасыловтың рөлі маңызды болса да, аса есте қалмайды. «Эпизод шеберлері», әсіресе құлағы жартылай керең апа өз рөлін шектен тыс асыра сілтеп ойнаған.

Жалпы, «Қазаққа ғашық болмаудың 5 себебі» фильмі комедиядан гөрі, романтикалық киноға жатады, көрермендерді жағымды әсерге қалдырады. Дегенмен, авторлар әзіл-сықаққа көбірек мән бергенде, фильм өте қызықты болар еді.

Киноға Кәрім Қадырбаев барды

• 28 желтоқсан, 2017
• Мадина
• 2 251
• 0