«Әміре» Голливуд кинофестивалінде Silver Screen Award жүлдесіне ие болды

22 Қазан, 2018
BrodKaz
1 219
0

«Әміре» отандық фильмі Hollywood Film Festival халықаралық кинофестивалінің бірінші кезеңінде Silver Screen Award жүлдесін иеленді.

Картина сюжеті әйгілі әнші Әміре Қашаубаев жайлы баяндайды, ол ерекше дарынының арқасында Парижде өткен «ЭКСПО-1925» көрмесінде қонақтарды таң қалдырған болатын.

Қазақ тенорының рөлін Санжар Мәди сомдады.

Hollywood Film Festival-де Silver Screen Award жүлдесіне бүкіл әлемнің картиналары таласты. Қазақстанның атынан 6 фильм жіберілді, бірақ байқауға Төлеген Байтөкеновтің «Саташы», Елжас Рахымбековтың «Эль Фриманы», Джефф Веспаның «Әміре» картинасы, сондай-ақ Берік Жахановтың «Асан» қысқа метрі өтті.

«Әміре» бірінші кезеңнің жеңімпазы және Silver Screen Award жүлдегері ретінде 16 елдің картиналарымен бірге фестивальдің бас жүлдесіне үміткер.

Еске сала кетсек, жақында таспа Woodstock Film Festival-де таныстырылды, ал картина операторы Максим Осадчий Грузиядағы фестивальде арнайы жүлдеге ие болды.