Ермек Тұрсынов Қазақстан кинематографшылар одағының төрағасы болды

24 Февраля, 2018
Мадина
1 608
0

Кинорежиссер, сценарист әрі публицист Ермек Тұрсынов Қазақстан кинематографшыларының жаңа төрағасы болып сайланды. Сонымен қатар, төраға қызметіне үміткер ретінде Ахат Ибраев пен Ғали Мырзашев те қатысқан болатын.

Ермек Тұрсынов отандық режиссер, оның картиналары бірнеше рет «Оскар» жүлдесіне ұсынылған. 2009 жылы белді бір кинобайқауда оның «Келiн» фильмі, 2013 жылы - «Шал», 2015 жылы – «Жат» картиналары Қазақстанды таныстырған болатын. Режиссердің қоржынында 6 кинотаспа бар.

Қазақстан кинематографшылар одағы – 1963 жылы отандық кинематографшылар негізін қалаған қоғамдық ұйым. Одақтың құрамында әйгілі Шәкен Айманов, Ефим Арон, Сұлтан Қожықов, Мәжит Бегалин және Абдолла Қарсақбаев болған. 2016 жылы Одақтың қосалқы төрағалары Ахат Ибраев пен Сламбек Тәуекел болатын.