«Ертеңгі теңіз» фильмі «Еуразия. DOC» фестивалінде көзге түсті
Режиссер Катерина Суворованың «Ертеңгі теңіз» фильмі «Еуразия. DOC» Екінші деректі кинофестивалінде ерекше көзге түсті. Картина Беларусь Республикасы Ақпарат министрлігінің арнайы жүлдесіне ие болды. Кинокөрсетілім Минск қаласында өтті.
«Ертеңгі теңіз» кинотаспасы жергілікті тұрғындардың Арал апатынан кейінгі өмірін баяндайды. Фильм кейіпкерлері – ештеңе аулай алмайтын балықшы, тұзды шөлде ағаштар өсіретін бағбан, суалып қалған теңізді зерттеп жүрген гидробиолог және ескі қайықтарда тұратын, темір-терсектерді жинайтын қарақшылар. Ең сұмдық жағдай орын алған мекенде әрқайсысының айналысатын өз жұмыстары бар.
«Еуразия. DOC» деректі кинофестивалі 2016 жылдан бері өткізіліп келеді. Алғашқы кинокөрсетілім Смоленскте болған. Биылғы жылы негізгі байқауға келіп түскен 40 өтініштен 15 фильм өтті. Армения, Беларусь, Германия, Италия, Қазақстан, Украина, Ресей және Эстония елдерінен келген режиссерлар өз жұмыстарын таныстырды.
Айта кету керек, бұл «Ертеңгі теңіз» фильмінің алғашқы жүлдесі емес. Таспа қоржынында Чехия ХКФ-нің «Қазылар алқасының арнайы жүлдесі» және «Сыншылар таңдауы – 2016» жүлдесінің «Кинематограф дамуына қосқан үлесі үшін» алған арнайы сыйлығы бар. Сондай-ақ, картина «Тұлпар - 2017» ұлттық киножүлдесінің үміткерлер тізіміне енді.
пікірлер жоқ, бірінші болыңыз
Пікір қалдыру үшін